Ова осигурување е задолжително при регистрација на пловниот објект и важи на територијата на Македонија.

Со осигурување на одговорноста на осигуреникот за штети причинети на трети лица, АД Осигурителна полиса се обврзува да ги надомести сите износи што осигуреникот е обврзан да ги плати за штетите направени од страна на осигурениот пловен објект до осигурената сума за:

• штети направени на некој друг пловен објект поради судар, удар или на некој друг начин;
• штети направени со пристанишните уреди, навозите, гатовите, кејовите, каблите или со било кој друг прицврстен или подвижен предмет на копно или по вода;
• штети причинети со изливање или исфрлање од пловниот објект на материи штети по околината
• трошоци за мерките преземени по барање на осигурувачот и неговите претставници или во спогодба со нив, поради заштита од неоправдани или претерани барања на третите лица како и трошоци на разумни мерки што осигуреникот ги презел во ист правец без согласност со осигурувачот или негови претставници, ако таквата согласност благовремено не можел да ја добие;
• побарувања за телесни оштетувања до сумата ограничена за одговорност на бродарот.